التجمع العربى للقوميين الجدد
هذه الرسالة تفيد أنك غير مسجل .

و يسعدنا كثيرا انضمامك لنا ...


التجمع العربى للقوميين الجدد

ثقافى اجتماعى سياسى يهتم بالقضايا العربيه ويعمل على حماية الهوية العربيه وقوميتها.
 
الرئيسيةأخبار سريعةس .و .جالتسجيلدخولصفحة الفيس بوك
Like/Tweet/+1
المواضيع الأخيرة
» الأسد يؤكد أن حلب ستغير مجرى المعركة كليا في سوريا
أمس في 01:37 am من طرف شجرة الدر

» أوباما يشكر هولاند على “الشراكة الوثيقة” منذ عام 2012
أمس في 01:33 am من طرف شجرة الدر

» شركة “اتيليه بروكنه” الألمانية تصمم العرض المتحفي للمتحف الكبير
أمس في 01:29 am من طرف شجرة الدر

» مقتل 98 من “داعش” بنيران عراقية في نينوي وصلاح الدين
أمس في 01:24 am من طرف شجرة الدر

» شكري ونظيره الفرنسي يناقشان هاتفيا تطورات القضية الفلسطينية والأزمة السورية
أمس في 01:12 am من طرف شجرة الدر

» رئيس الحكومة الإيطالية يقدم استقالته للرئيس ماتاريلا
أمس في 01:04 am من طرف شجرة الدر

» رئيس الوزراء الأردني يدشن مفاعلا نوويا بحثيا بجامعة التكنولوجيا
07/12/16, 10:50 pm من طرف شجرة الدر

» 6 عواصم غربية تدعو إلى وقف فوري لاطلاق النار في حلب
07/12/16, 10:47 pm من طرف شجرة الدر

» العثور على حطام الطائرة الباكستانية.. وانتشال 21 جثة حتى الآن
07/12/16, 10:42 pm من طرف شجرة الدر

» السيسي يؤكد ضرورة التعاون بين مصر وأوروبا حول القضايا الاقليمية الراهنة
07/12/16, 10:31 pm من طرف شجرة الدر

» السيسى يستقبل وزير الانتاج الحربي الباكستاني
07/12/16, 09:54 pm من طرف شجرة الدر

» شكري يتوجه إلى نيويورك للقاء سكرتير عام الأمم المتحدة
07/12/16, 09:45 pm من طرف شجرة الدر

» فرار جماعي للإرهابيين من حلب القديمة عقب تقدم الجيش السوري
07/12/16, 09:39 pm من طرف شجرة الدر

» البحرين تمنع "الجزيرة" من تغطية أعمال القمة الخليجية
07/12/16, 09:37 pm من طرف شجرة الدر

» "شكري" يؤكد: نرفض نقل سفارة أمريكا من تل أبيب إلى القدس
07/12/16, 09:35 pm من طرف شجرة الدر


شاطر | 
 

 ليبيا الوادي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
قوت قلوب العظمى
عضو ذهبى
عضو ذهبى


عدد المساهمات : 1528
تاريخ التسجيل : 03/11/2013
الموقع : الجماهيرية العربية الليبية الشعبية الأشتراكية العظمى

مُساهمةموضوع: ليبيا الوادي   25/11/13, 06:54 am




ٱطٌوِل قَصِيّدُة منٌ نٌظٌم شّٱعر وِٱحًدُ فُيّ تُٱريّخٌ ٱلشّعر ٱلشّعبّيّ ٱلليّبّيّ
ليبيا الوادي
للشاعرعبدالباسط اغنية
عمره
25سنة
هو من منطقة بني وليد
عدد ابيات القصيدة 1000بيت

وأهديكم منها:

بيت بوشيوخ نواوير .. ماضيه شهير .. وبولاده في خيار الخير
الوادي اللي يخص التشريــف ... دوام علي ساير ليـــــــــام
اللي معروف بلا تعريـــــــف ... ولا قول ولا خط اقــــــــــلام
اللي ناسه كي حد السيـــــف ... تكسر في خشوم الظــــلام
عرب بيت مبجد عالكيــــــــف ... رواقات وجبر وكمـــــــــام
زوازل مالسدر مهاديــــــــــف ... بكرباته لا فوق انقــــــــام
امقشط بحبال من الليـــــــــف ... وحلفا ولمها الــــــــــــولام
بتاته حاضيه تزخريــــــــــــف ... علي لون الوان الرســــــام
يبانن كيف الوان الطيـــــــــف ... وسايد ومرقم وكـــــــــلام
عرب بنت ام وجاب لطيــــــــف ... الحره المسروبه الحشـــام
اللي كيف الجازي في الصيف ... زوي مكه عالصيد حـــــرام
عرب ديمه تكرم في الضيـــف ... تضل لخاطرها خـــــــــــدام
عشا الخاطر ماله تصريــــــف ... ولوكان يباتو صيـــــــــــام
عرب كوت إليا فز خفيـــــــف ... الدير يخلي فيه اقســــــام
بلا مس اركابات عفيــــــــــف ... نحيبه ديما لاقـــــــــــــدام
عليقة من غير تضيريـــــــــف ... تجي مخلاته هيل اجمــــام
امنين الخاوي يدير زنيــــف ... وتبدا تجارد لقــــــــــــــوام
يجو فوق سماح هفاهيـــف ... بلون مغاثات الحجــــــــــام
دلايل يرحن في الصرفيـــف ... عقود تقول اسراب حمـــــام
يهدو عالنار مشاريـــــــــف ... الهرمة واللي دوبه صـــــام
يخلو في الضد محاذيــــــف ... مفرش كي جذر الغـــــــرام
عرب ماتمشيش علي حيــف ... ولا تقبل في الحي اســـوام
عصارة ماهمش سفاسيـــف ... نغاغير يعدو المــــــــــــلام
رواسي ليا صار تدفديف .. وصار نفير .. تقول جبال حجر وحجير

الوادي المحروس الموصــان ... اللي مش غابي في المنعات
اللي متمرس ما يليــــــــــان ... عصي كي توا كي مافـــات
اللي قبل يبوه العـــــــدوان ... مجزي بالتقسيــــم اتــلات
يبوه اويا وبرقة وفــــــزان ... يبو ديره تلت ولايـــــــــات
الوادي اللي عز الرهقـــــان ... وعز الخايف في الخاخــات
اللي فيه يباتن فرقــــــــان ... نجوع ضفايف منطرحات
اسماهن ماهو للغبيـــــــان ... بفعل عربهن منبيــــــــات
حضنهن من بر الســـــودان ... ليا ساحل درنة وشحـــات
من الكفرة لوين البطنــــان ... تلاقت هيه وبو موجـــات
من امساعد لابن قــــــردان ... لمانغني وهالمفـــــــازات
من البردي لعــين الــــــزان ... ومن وازن للعوينـــــــات
امتدت عجلاها مـــــــــــدان ... بطوله صفات بصفــــات
محاميد وعرفة ومعــــــدان ... حبون ودرسة وعبيــدات
والاهالي وشرفـــــــة ودان ... وحاسة وقماطة وبركات
عوام وترهونة وفرجــــــان ... هوانة ويدر وعجيـــلات
نوايل واهالي غريـــــــــان ... وورشفانة ومشيطـــــات
مشاشي وبوسيف ودرمــان ... وفيه شواعر ورقيعـــات
وفيه مساعيد وصيعـــــــان ... ولفواتير ولبشيــــــــرات
وضنى سي جبريل وصرمان ... ونجع امالك وعريبـــات
رعايا ورياح ورجبـــــــــان ... وشد وحوته وقناشــــات
زوية وزناتة وحشــــــــــان ... وفيه ربايع وشهوبــــات
ورملة ويامي ومليــــــــدان ... وحراس ونجع حــــــرارات
عمايم وحسون ويمنــــــان ... ونجع ورنزة وسنينـــات
وفيه جوازي وذكيـــــــران ... وسيلين وفيه جهانـــــات
حرار وعباد وزغــــــــــوان ... ونجع اماجر وحميـــــــدات
وندباس وحمي وقطـــــران ... وفقهة وتاسة ورفيفـــــات
وفيه ذويبات وطرشـــــــان ... وزرقان ونجع السعفـــات
سوالم وادناف وشعتـــــان ... وزغوان ونجع اقلاصــــات
وضنى كعب اولاد سليمـان ... وعرب القرية والقريـــــات
ومنفة وسعيط وقطعـــــان ... وفيه افاخر ورحيبـــــــات
وفيه ضنا موسى وزنتـــان ... وورفلة وفيه جماعــــــات
وشوق قبايل بيــــــهن زان ... فبالي ماهن منسيــــــــات
قصرت عليهن في القــولان ... بعد حكمن فيا القفـــــــلات
لهن مانطري غير احســـان ... الخير حذاهن طق وبـــــــات
عربهن بنيوا ليهن شــــان ... تعلى عالزوزة قامــــــــــــات
اقوام ناض رقيق الريغـــان ... يجو كيف شبوب النـــــــوات
حمول نحاس خفـــاف ارزان ... يجو عالشهوة في الندهات
قرومة كسارة طليـــــــــان ... جرايرهم مش مغبيـــــــــــات
في محروقة وام الجرسان ... وفي مرسيط والبويــــــــرات
وقندولة وتونين وغـــــان ... وبير الميص والكويفــــــــــات
وفي الهيرة ووادي الغزلان ... وقصر اسمى الحميـــــــرات
وفي لحشادية وشتـــــوان ... وجليانة وفي لحسيـــــــات
وفي بوغرة والحــــــوران ... وللا وبيار الــــــــــــــزوزات
وفي القرضابية ونيـــــان ... وفي سانة وفي السلامـــات
وفي الفطيمية ودوفــــان ... وفي عيون الذبان وغـــــــات
وفي انجيلة وقصر السلطان ... وفي الكفرة وبير كتيتـــات
وفي نالوت وفي الغيـران ... وفي لمشرك والقصبــــــــات
وسبها وسيدي بوحســان ... وفي بوهادي ولحقيفـــــــات
وفي الهاني وفي راس الهان ... وفي سلنطة وبير الزغرات
عرب ماودو للعدوان .. الا الذكير .. الماضي شفره والقزيــــــر
ولاتوا لاصار بيان .. يجو في مسير .. ومن فوق مناقيش الدير
يحامو واديهم فرسان .. اصحاب ضمير .. ومبدا مش نفاخة كير

الوادي بوشيوخ نواوير .. ماضيه شهير ..وبالقايد فـ خيار الخير
الوادي اللي يحاموه رجال .. بهم لا غابي لامنكور
اللي عن صيت اولاد اهلال .. علم فوقه سامر مشهور
الوادي اللي عامر مازال .. بالاجواد بوادي وحضور
الشاهد عن سيرة الاجيال .. اموثّق ديوانه مسطور
ذهب وسط عقول العقال .. وفي التاريخ حروفه نور
صفاحيّه ماهنش خيال .. حقيقة ماداناها زور
الوادي شاهد مالعدال .. بالامانة ماباش يخور
رصين لثقلتها حمال .. عندّ مادام اليوم يدور
قوي صوته كيف الزلزال .. يخاطب في الالباب جهور
الوادي شاهد ع الاحوال .. علي مر الدنيا والعصور
فصيح يجاوب كل سوال .. عاللي باين و المكمور
بما فيه مباني جهّال .. مسلات مقابر و قصور
عوالي واخرى فيه جبال .. على سطوح رصفهم محفور
جلايب للريم الجفال .. وناس وكروسات وكور
وفيه مشاغيل القلال .. اللي ماهو كامل مكسور
وفيه من الصوان نبال .. سيوف مع رماح وساطور
وفيه شوق مداحي للرال .. الكامل واللي غير قشور
دلايل جملتهن وامثال .. على انه مـ الاول معمور
الوادي له ساس وتامال .. مصحح لين نازل في الغور
معنت لا خاخ ولا مال .. قوي عنده في الجوف جدور
وللمعلمومة في القسقال .. انا ماعنوي في المجرور
ولا في عملة لا تمثال .. ولانقش و لارسم قبور
ولا سيف ومدحه وامسال .. ولاقصبة ولابرج وسور
انا عنوي سيرة الابطال .. اللي بيهم ديمه مبرور
سواء ماحل والا ميّال .. سواء مجدب والا ممطور

سواء عشري والا بلنغال .. سواء مخرّب والا مبذور
عرب غاشي يزهّي في البال .. بيوت يبانن كيف القور
حذاهن يدّابو لعيال .. طرابه جملتهم مسرور
طرب فيهم حتى الدوجال .. بهيلولة جيلة مبهور
اللي فيه الحرّة الحفال .. على رواقات البيت اتدور
اترادع في الفاهق بخلال .. زندّاها ماهن للبور
وتغزل وتقاني لخبال .. وترحي لامطلع الفجور
وفيه الورّادات ارتال .. اعلت ضحكتهن عالمجهور
يعبن منه ماه زلال .. جنانيبه فوق المجفور
وفيه الحلاّبة تنهال .. بماعون العود المنقور
مشن صوب اركابات المال .. اللي غدوه قاعد محجور
الضرع اللي تمسّه شتوال .. بقيس عفا مفلاه درور
وفيه الحطابات اكوال .. على الغاشي طور ورا طور
وفي البيت حطبهم مازال .. لحومه وهشايم وقعور
وفيه ايبان تقول اكحال .. مناصبهم هن والقدور
عرب جوده ماهمش افسال .. البدري فـ شويهم منحور
طيابه عالبخره ان ماطال .. وكانه عطل فأول فور
وفيه البيت وسيع الجال .. اللي فيه الميعاد يدور
اللي فيه شيابين اجوال .. دوازين يقولو الامور
لهم ديمة ختمة لقوال .. ولا والي خاطيهم شور
الغاشي هللي فيه رجال .. دبشهم كي لون التبرور
نقايح ضرابين غزال .. سقم ماخابلهم ناظور
وكل واحد كاسب شنتال .. يهمهم في المربط مهجور
امقفّل ومطبق لنعال .. يهمّ كما القدر اللي يفور
يجي كيف انسوم الشملال .. اليا زام الخاوي الميسور
وفيه علي مرمى لطلال .. بساطات فلاهن مشكور
عفاهن متخالف الاشكال .. مخضب تخضيبة باصور

ارتام ومكنان و شعال .. شقارة واللسلس مكثور
وروده تدّكان وتشعال .. وصفرة وكي لون الياجور
عليهن تزابى ليبال .. مراجيد خيور علي خيور
وفيهن كم من هايج جال .. يزوم اتقول الا مخمور
معاهن شبّ اتقول غزال .. يحامو فيهن فوق اذكور
عرب ماتكسب غير حلال .. الزقوم امعاهم مبتور
اللقمة اللي اخرها ملال .. حرم ماتنزل ليهم زور
رقبّاهم في الكون اطوال .. ضياهم عالدنيا منشور
عفايف مايرضو بطّال .. جلدهم بالقوة ميمور
اشراف اليا وفيت الآجال .. ثنى ليهم مافيه عكور
صناديد وفي الروز اثقال .. صبورين يحبو الصبور
عصارة مافيهم قلقال .. سفيه ودانع في الغرور
يلحس عالدنيا فتّال .. عقيله كي عقل الزرزور
بواسل مافيهم ذلال .. يجوا في الفزعة كيف الجور
لهم عزّة مضرب لمثال .. وصيت وطاريهم مشكور
عليهم مافي حد ايسال .. ولاذرة خردل مبذور
ولا يوم يراجو عـ اسقال .. منيحة من غارق لبحور
ولايرجو فضله في شوال .. لفيظة يرميها بابور
غنايا من واسع لفضال .. وواديهم خيره موفور
تعصّى عن كيل الكيال .. الباين منه والمطمور
على ايديهم صار المحال .. حيي بيهم مولاي البور
كواسح من قبل ويابال .. رزقهم ربّي صقر صقور
علي يدّه صار المحال .. زهوا بيه خواص وجمهور
القايد الاوحد روح جمال .. علي نجمه لفلاك تدور
ثلاثماية وسبعين هلال .. وزيد عليهن ثمن شهور
عالمبدا ماناش عطال .. انّفّذ هلّلي بيه يشور
وعـ المبدا توّا ومازال .. وفا مانخطوا ليه مرور
وفا للّي كسّر لغلال :: وبه لا غير :: بدي كل واحد فينا أمير
الوادي بوشيوخ نواوير .. ماضيه شهير
وعـ المبدا توّا ومازال ::: وفا مانخطوا ليه مرور
وفا للّي كسّر لغلال :: وبه لا غير :: بدي كل واحد فينا أمير
الوادي بوشيوخ نواوير .. ماضيه شهير..وبالقايد فـ خيار الخير
الوادي بوتاريخ قديم ::: اللّي مو غابي للنشّاد
اللي صيته من الله عظيم ::: عليّ فوق الوديان وشاد
بدي فوق بروج التنجيم ::: على الدنيا نوره وقّاد
اللي نبته تقول مراقيم ::: فخيم نواويره لسّياد
عفي مايرقدلاش نسيم ::: يحاموا فيه علي لسناد
فـ وسطه للحشر خواتيم ::: ترابه حامي ما يبراد
اللي ناسه مايرضوا ضيم ::: وديمه للرهقان ملاذ
عمار بهم هالمواهيم ::: من المالح لـ برّ تشاد
من جدير وبرّم تبريم ::: ليا وين تحددّ لبلاد
عرب راي وتدبير حكيم ::: ونصره من خالق لعباد
الجار حذاهم وين يقيم ::: يرسّم مايقلع لوتاد
لعند شعاشيط التنعيم ::: معاشه في عزّ الموراد
عرب نصح وفـ الفرض تقيم ::: نساوين ومترس واولاد
تشهّد وتصلّي وتصيم ::: تزكّي عالدخرة والزاد
وع البيت تصمّم تصميم ::: وهي ماتضمن لعواد

عرب ماتاكل حقّ يتيم ::: علي غيّ الدنيا زهّاد
الكيلة تزممها تزميم ::: تجاهد وين يصير جهاد
لهم عزّة من رب رحيم ::: بنصره والا الاستشهاد
عرب دوم تعدّ التلويم ::: عرب مافيهمش الحرواد
عرب مافيهم فضّ زنيم ::: ولا قلقال ولا شوشاد
ولا تفتين ولا تنميم ::: يفرّق في لمّة لعباد
عرب بيت بتاته اكاليم::: مثابة ياتوله لجواد
يضلّ فيه مرسّم ترسيم::: على داب القول الميعاد
ويصّافى من فيه خصيم::: علي كلمة من غير عناد
ينوروا من بعد التجهيم ::: وما افّاد يشيل علي افّاد
عرب جودة وطيابة تخيم::: غوالي غير نباهم ساد
مناهل ماليهنش زميم ::: عطاهم مش تنضيح اثماد
اكرام وكارمهم الكريم ::: يجودوا من جود الجوّاد
عرب نار ادّير براريم ::: يسمعر سامرها وقّاد
مناصبهم دوم مفاحيم ::: مطابخهم مـ الغنج سواد
حطبهم كل يوم محازيم ::: يجي مايصبح غير رماد
على العين يجلّوا فـ الرّيم::: عرب فزعه فيسان رشاد
ان دار البارود تصلييم ::: يجوك تقول عمود جراد
ان مردوله ردّ دماديم ::: يضلّوا فـ الكربيس انداد
معاهم ما ينجاش غريم ::: بسيسة يغدى فـ الملهاد
عرب فطنة موش دلاكيم ::: نبيهين يعدّوا لبعاد
وما يصبّوا تحت البزّيم ::: ويقولوا هكّي المولى راد
ولام دنوعه فـ مغانيم ::: نواكيع يحاذن فـ غفاد
شواو وللثقل محازيم ::: بقانه موش كتيت قراد
حزام لقايدنا العظيم ::: حواريين لبو لمجاد
اللي خلّى الوادي فـ نعيم ::: اللي بدّل حزنه بعياد
احني دونه سدود ملاظيم ::: مراصيص بقوّ الفولاذ
اسدود مكاده عالتهديم ::: رصفهن من خيرة لجناد
وكل جندي يحامي الزعيم ::: يمين ماي كلوله وزناد
احني دوم نعدّوا التلّويم ::: نشوفوا لـ مااضي لجداد
احني اللي يريدلنا تقسيم ::: يبي يدرّق شمس بسمّاد
جهول ورايه راي عديم ::: ذهول وذيلي مـ الاوغاد
حني ياقايدنا بوميم ::: لشبح الميموله نفّاذ
جنودك نرجو في تعليم :: منّك لاغير :: الراي اللي تبّيه يصير
الوادي بوشيوخ نواوير .. ماضيه شهير .. وبالقايد فـ خيار الخير
الوادي اللي عزّ المقصود ::: اللي حامي كاليسه حرّ

اللي فيه مشاهير رقود ::: فـ جالاته روضات شهرّ
ولايا شيّالين ورود ::: قوا اصحاب براهين وسرّ
الوادي اللي محضي بسدود ::: يهدّنّه ان جي مدّردر
اربط رصف بناهن مقدود ::: عليهن كم من خالي مرّ
قلايد وسط عقار جدود ::: معاني ماهن غير سيرّ
الوادي اللي نبته منضود ::: اللي عنده من الله زهر
اللي سفّه من جاه يرود ::: عفي ضافي ماهوش ابترّ
اللي ماهوش عقيم ولود ::: العود فـ كاليسه ينثر
الوادي اللي يحاموه صيود ::: اجاويد خزامات كفرّ
يجوا فـ الفزعة كي العمود ::: يهدّوا فالشر على الشرّ
يشوشوا لا صار البارود ::: فـ هاذي ماليهمش عصر
يجوا فوق سميحة لبدود ::: سباويب يهيلن وزورّ
جلوقات يخيلن فـ عقود ::: الاّ حيل المركوب ذكرّ
تقول قطا في وان ورود ::: امسفّت يمتد وينصرّ
لهم من عز الناس قلود ::: تسوس وفي الراي ادّبرّ
ارزان اكّل مافيهم نود ::: ولا فيهم مايع لا غرّ
عرب فارس لا مدّ قصود ::: فـ نصّ القلّيمة يسطر
وفي وين يحدّن لنهود ::: وخصّك عالمنهد الايسرّ
عرب عيّل ديمه ميجود ::: بسرعة فـ الندهة يحضرّ
ولاو منكّر لاو حجود ::: سعادي فـ الوالددين يبرّ
عرب بيت مقشّط مبجود ::: نجوع علي شبح الناظرّ
سماح ومبناهن محرود ::: لهن وصف يماثل لقورّ
عرب سامر ديما ميقود::: اجداري لا فوق يسمعرّ
اجواد وبالميجود تجود ::: توفّي فـ عبار الخاطرّ
زلافي وقصاع من العود ::: يجنّ كيف عيون الطايرّ
ببازين مرادع مقدود ::: من يدين سماح حرايرّ
ومسلان بطوله ممدود ::: وسمن وزبده وتمر ودرّ
عرب حيل كسوبتها القود ::: اللي ماتالف غير البرّ
يضلّ ذود يحاذي في ذود ::: تقول اساطيل تناورّ
وكل ذود فـ وسطه مهدود ::: اقلالي سكران يميزرّ
قحنّي يطّامى عبرود ::: فهن داير فرزه وافر
انياقه مافيهنش صعود ::: شوايل واللقح ولظّيرّ
عرب عزوه ليهم مشهود ::: لهم هيبة وعزّة وفخرّ
عرب تفعل بالروح تذود ::: على تراب ام علام خضرّ
عرب مالهرمة للميلود ::: حصون على الفاتح الاغرّ
افدا للقايد دوم جنود :: لا صار نفير :: حرم مايصيصلنا تابير
افدا للي حطّم لقيود :: في يوم شهير :: بدي فيه العرش شناشير
اللي جلّى عنّا لنكود :: وضيم مرير :: نشلنا من داموس كبير
الوادي بوشيوخ نواوير .. ماضيه شهير .. وبالقايد فـ خيار الخير

وسلامتكم

أتمنى أن تنال إعجابكم

وتحياتي لوادي الغالي ولهلي
بنت الوادي..بنت بني وليد..بنت ورفله
قوت قلوب العظمى

_________________________________________________

الرجوع الى أعلى الصفحة اذهب الى الأسفل
نور الهدى
المدير العام
المدير العام


عدد المساهمات : 887
تاريخ التسجيل : 12/11/2013
الموقع : مصر

مُساهمةموضوع: رد: ليبيا الوادي   27/11/13, 07:03 pm

تسلمى اختى قوت قلوب العظمى على طرحك الاكثر من رائع 
وتحياتى لكل احرار وحرائر العظمى 
المصدر منتديات القوميون الجدد

_________________________________________________

الرجوع الى أعلى الصفحة اذهب الى الأسفل
 
ليبيا الوادي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
التجمع العربى للقوميين الجدد :: القسم الادبى :: منتدى الشعر العامى والخواطر-
انتقل الى: