التجمع العربى للقوميين الجدد
هذه الرسالة تفيد أنك غير مسجل .

و يسعدنا كثيرا انضمامك لنا ...


التجمع العربى للقوميين الجدد

ثقافى اجتماعى سياسى يهتم بالقضايا العربيه ويعمل على حماية الهوية العربيه وقوميتها.
 
الرئيسيةأخبار سريعةس .و .جالتسجيلدخولصفحة الفيس بوك
Like/Tweet/+1
المواضيع الأخيرة
» #دورة استراتيجيات تقييم العطاءات والمفاضلة بين العطاءات و#مهارات #التعاقد
08/06/17, 01:22 pm من طرف منة الله على

» #دورة المفهوم الشامل للعلاقات العامة في ضوء الفكر الإداري الحديث
08/06/17, 01:20 pm من طرف منة الله على

» #دورة متقدمة #تطوير #الموارد #البشرية حسب معايير #الجودة
08/06/17, 01:18 pm من طرف منة الله على

» #دورة الاشتراطات #الصحية للمنشآت #الغذائية #اغسطس- #القاهرة
30/05/17, 11:38 am من طرف منة الله على

» #دورة #مؤكدة #شهادة #مراقب #الجودة ISO 9001:2015
30/05/17, 11:33 am من طرف منة الله على

» Integrated #quality #management #system-IMs #course
30/05/17, 11:31 am من طرف منة الله على

» دورة اللحام بالقصدير والمونة
25/05/17, 02:24 pm من طرف مركز الخليج للتدريب

» دورة الطاقة الكهربائية للحام القوس الكهربائي
25/05/17, 02:20 pm من طرف مركز الخليج للتدريب

» دورة اختبارات مواد اللحام
25/05/17, 02:16 pm من طرف مركز الخليج للتدريب

» دورة أستخدام الأجهزة المساحية فى الرصد والقياسات الزاوية وقياس المناسيب
21/05/17, 12:16 pm من طرف Rose Ramzy

» برنامج تدريبي في إعداد وتأهيل امناء المخازن2017
17/05/17, 11:40 am من طرف Rose Ramzy

» دورة معايير الاعمال الالكترونية وتقليص الأعمـال الورقيــة2017
16/05/17, 03:05 pm من طرف Rose Ramzy

» دورة الاداره الحديثه للعلاقات العامة والمراسم والبروتوكلات2017
15/05/17, 03:43 pm من طرف Rose Ramzy

» ندوة تدريبية عن امن المنشآت النفطية
14/05/17, 04:29 pm من طرف Rose Ramzy

» #دورة #العلاقات #العامة و#برامج المسئولية الاجتماعية
10/05/17, 03:19 pm من طرف منة الله على


شاطر | 
 

 صحافة حضانه .. محمد خان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طارق حسن
رئيس مجلس الادارة
رئيس مجلس الادارة
avatar

عدد المساهمات : 2536
تاريخ التسجيل : 22/09/2013
الموقع : الوطن العربى

مُساهمةموضوع: صحافة حضانه .. محمد خان   02/01/14, 02:16 pm

صحافة حضانه

للكاتب والمخرج السينمائى المصرى .... محمد خان





س : إيه شعورك بعد ما خدت الجايزة؟
بالذمة ده سؤال.. طب أجاوب أقول إيه غير إنى فرحان وفخور، إلا إذا كان صاحب السؤال الساذج ده متوقع منى رد تانى. هيه دى المشكلة لما السؤال جوابه تحصيل حاصل قبل ما يترد عليه، وده اللى باسمِّيه صحافة حضانة. الأسئلة من النوع ده كتيرة، ولو كنت ماخدتش جايزة: هل السؤال حيكون «إيه شعورك لما ماخدتش جايزة؟ الحقيقة أنه رغم أنى مابحبش أعمم ولا أبالغ إنما النوعية دى من الأسئلة الجاهزة هيه سلاح كتير من خريجى الحضانة الصحفية. الصحفى من دول كل اللى عاوزه إنه يملا ورق وخلاص، والمصيبة لما يلجأ للتليفون فى لحظة غير مناسبة، فهو فى معظم الأوقات مابيهموش ومش عارف اللى بيسأله ده لما اتصل بيه كان بيعمل إيه فى بيته ولا فى مكتبه ولا فى عربيته ولا فى كافيتريا ولا ماشى فى الشارع ولا لوحده أو معاه حد! الصحفى من دول مابيهموش إلا إنه يعبى ورق أو شرايط وبيتزنق مع الردود المختصرة ويمط فى أسئلته على أمل المزيد من الأجوبة. المصيبة دايما فى الأسئلة نفسها اللى غالبا متفبركة فى لحظتها وفورا بيتفضح، لأنه فى أغلب الأحوال مش مذاكر اللى بيسأله. أنا عاملها قاعدة بعد الساعة عشرة مساء، أنا غلطت ورفعت السماعة لنمرة ماعرفهاش وطلع خريج حضانة (باعرفهم من أول جملة) بأسأله الساعة كام؟ هوه مابيفهمش اللى ورا السؤال بس بيكتشف الجواب قبل ما حتى يقول الساعه كام، أصل أنا من أصحاب النوم البدرى والصحيان البدرى، متعود على كده من أيام المدرسة لما كنت بافضل أذاكر مع شقشقة النهار لما المخ يبقى طازة وجاهز لأى معلومات.
نفس الحدوتة مع الأفلام فدايما بأفضل الأوردرات البدرى. أفلامى نفسها بتشهد بكده، مشهد النهاية فى «ضربة شمس» ولا افتتاح «خرج ولم يعد» أو «مشوار عمر» وغالبا مافيش فيلم من غير مشهد أو لقطة الصبح بدرى، وتلاقينى فى كل مدينة أزورها أستمتع بمراقبة سكانها رايحين الشغل أو تلامذتها رايحين مدارسهم، بداية يوم جديد فى حياتهم وحياتى. ده مش معناه مسموح للصحفى النشيط اللى زيى إنه يتصل ويهرينى أسألة تنسينى طعم طبق الفول بالزيت الحار والكمون والخيار المخلل مع قرن الفلفل والبصل الأخضر.. كده مزاجى حيتعكر.. وإوعى يسألنى عملت إيه فى ليلة رأس السنة؟! الحقيقة مش حقدر أجاوب على السؤال ده وبالذات السنة دى وأنا مش دريان إحنا رايحين على فين!
كل سنة أنتم طيبون.

المصدر منتديات القوميون الجدد

_________________________________________________

ان الشعوب التى تفرط فى حريتها هى شعوب 
فاقده للكرامة الانسانية
الزعيم جمال عبد الناصر








الرجوع الى أعلى الصفحة اذهب الى الأسفل
 
صحافة حضانه .. محمد خان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
التجمع العربى للقوميين الجدد :: القسم السياسى :: منتدى المقالات والتحليلات السياسية للأعضاء :: منتدى مقالات وتحليلات كبار الكتاب العرب-
انتقل الى: